ହିଜାବ ବିବାଦକୁ ନେଇ କର୍ଣ୍ଣାଟକ ହାଇକୋର୍ଟ ଦେଲେ ଏହି ଗୁରୁତ୍ୱପୂର୍ଣ୍ଣ ରାୟ

ବେଙ୍ଗାଲୁରୁ: Karnataka Hijab Row Verdict: ହିଜାବକୁ ନେଇ ଚାଲିଥିବା ବିବାଦ ମଧ୍ୟରେ କର୍ଣ୍ଣାଟକ ହାଇକୋର୍ଟ (Karnataka High Court) ମଙ୍ଗଳବାର ଏକ ଗୁରୁତ୍ୱପୂର୍ଣ୍ଣ ରାୟ ପ୍ରଦାନ କରିଛନ୍ତି । ଏହି ମାମଲାର ଶୁଣାଣି କରି କର୍ଣ୍ଣାଟକ ହାଇକୋର୍ଟ କହିଛନ୍ତି ଯେ, ହିଜାବ (Hijab) ଇସଲାମ (Islam) ର ବାଧ୍ୟତାମୂଳକ ଅଂଶ ନୁହେଁ ଓ ସ୍କୁଲ ଛାତ୍ରୀମାନେ ୟୁନିଫର୍ମ ପିନ୍ଧିବାକୁ ମନା କରିପାରିବେ ନାହିଁ ।

ଏହାପୂର୍ବରୁ କର୍ଣ୍ଣାଟକର ଅନେକ ଜିଲ୍ଲାରେ ଧାରା ୧୪୪ ଲାଗୁ କରାଯାଇଥିଲା । ଏହାର ଉଦ୍ଦେଶ୍ୟ ହେଉଛି ରାଜ୍ୟରେ କିଛି ଅଘଟଣ ନ ଘଟୁ । ଉଲ୍ଲେଖନୀୟ କଥା ହେଉଛି, ହିଜାବ ବିବାଦ ମଧ୍ୟରେ ଜଣେ ବଜରଙ୍ଗ ଦଳ କର୍ମୀଙ୍କୁ ହତ୍ୟା କରାଯାଇଥିଲା । ଏହି ଘଟଣା ଏତେ ଝଡ଼ ସୃଷ୍ଟି କରିଥିଲା ​​ଯେ ସାରା ଦେଶରେ ପ୍ରଦର୍ଶନ ଦେଖିବାକୁ ମିଳିଥିଲା ।​

ଏହା ବି ପଢ଼ନ୍ତୁ:-ୟୁକ୍ରେନ ସହ ଯୁଦ୍ଧ ପଡ଼ିଲା ମହଙ୍ଗା! ବର୍ତ୍ତମାନ ଋଷ ଭାରତର ପଡ଼ୋଶୀ ଦେଶଠୁ ମାଗିଲା ସହାୟତାର ଭିକ

ଏହା ବି ପଢ଼ନ୍ତୁ:-ଭାଙ୍ଗିଯିବ ଇମ୍ରାନ ସରକାର! ମାର୍ଚ୍ଚ ୨୮ରେ ଦେବେ ଅଗ୍ନି ପରୀକ୍ଷା

ଏହା ବି ପଢ଼ନ୍ତୁ:-କୋରୋନା ଭୂତାଣୁର ନୂଆ ଭାରିଆଣ୍ଟକୁ ନେଇ କଡ଼ା ଚେତାବନୀ ଜାରି କଲା WHO

ଏହା ବି ପଢ଼ନ୍ତୁ:-ବର୍ଷର ପ୍ରଥମ 'ସୂର୍ଯ୍ୟ ପରାଗ' ଚମକାଇବ ଏହି ୪ଟି ରାଶିର ଭାଗ୍ୟ! ଜାଣି ନିଅନ୍ତୁ ତାରିଖ

ହିଜାବ ବିବାଦର ରାୟ ପୂର୍ବରୁ ବେଙ୍ଗାଲୁରୁରେ କିଛି ଜିନିଷ ଉପରେ ପ୍ରତିବନ୍ଧକ ଲଗାଯାଇଛି । ବେଙ୍ଗାଲୁରୁ ପୋଲିସ କମିଶନର କମଲ ପନ୍ତ କହିଛନ୍ତି ଯେ, ମାର୍ଚ୍ଚ ୧୫ରୁ ମାର୍ଚ୍ଚ ୨୧ ପର୍ଯ୍ୟନ୍ତ ଏକ ସପ୍ତାହ ପାଇଁ ବେଙ୍ଗାଲୁରୁରେ ସମସ୍ତ ପ୍ରକାର ସମାବେଶ, ଆନ୍ଦୋଳନ, ବିରୋଧ କିମ୍ବା କାର୍ଯ୍ୟକଳାପ ଉପରେ ପ୍ରତିବନ୍ଧକ ଲଗାଯାଇଛି । ହିଜାବ ବିବାଦ ଉପରେ କର୍ଣ୍ଣାଟକ ହାଇକୋର୍ଟଙ୍କ ରାୟ ପୂର୍ବରୁ ଦକ୍ଷିଣ କନ୍ନଡ ଡିସି ଆଜି (ମାର୍ଚ୍ଚ ୧୫) ସମସ୍ତ ସ୍କୁଲ ଓ କଲେଜ ପାଇଁ ଛୁଟି ଘୋଷଣା କରିବାକୁ ନିର୍ଦ୍ଦେଶ ଦେଇଛନ୍ତି । ନିର୍ଦ୍ଦେଶ ଅନୁଯାୟୀ, କାର୍ଯ୍ୟସୂଚୀ ଅନୁଯାୟୀ ବାହ୍ୟ ପରୀକ୍ଷା ଅନୁଷ୍ଠିତ ହେବ, କିନ୍ତୁ ସମସ୍ତ ବିଦ୍ୟାଳୟ ଓ ମହାବିଦ୍ୟାଳୟର ଆଭ୍ୟନ୍ତରୀଣ ପରୀକ୍ଷା ସ୍ଥଗିତ ରଖାଯିବ ।

ଉଲ୍ଲେଖନୀୟ କଥା ହେଉଛି, ଛାତ୍ରୀମାନେ ଯୁକ୍ତି କରିଥିଲେ ଯେ ହିଜାବ ସମ୍ବିଧାନ ଦ୍ୱାରା ଦିଆଯାଇଥିବା ଧାର୍ମିକ ସ୍ୱାଧୀନତା ଅନ୍ତର୍ଗତ ଆସିଥାଏ । ଏଭଳି ପରିସ୍ଥିତିରେ କୌଣସି କଲେଜ ଏହି ନିଷେଧାଦେଶ ସମ୍ପର୍କରେ କୌଣସି ନିଷ୍ପତ୍ତି ଦେଇପାରିବ ନାହିଁ । କର୍ଣ୍ଣାଟକ ସରକାର ଏହି ମାମଲାରେ କୋର୍ଟଙ୍କୁ କହିଛନ୍ତି ଯେ, କେବଳ ଅନୁଷ୍ଠାନିକ ଶୃଙ୍ଖଳା ସହ ଜଡିତ ପ୍ରତିବନ୍ଧକ ବ୍ୟତୀତ ଦେଶରେ ହିଜାବ ଉପରେ କୌଣସି ପ୍ରତିବନ୍ଧକ ନାହିଁ । ବାସ୍ତବରେ, ଉଡୁପିର କିଛି ଛାତ୍ରୀ ଶିକ୍ଷକଙ୍କ ଅନୁରୋଧକୁ ଅଣଦେଖା କରି ହିଜାବ ବ୍ୟବହାର ବନ୍ଦ କରିବାକୁ ମନା କରିଦେଇଥିଲେ । ଏହା ପରେ ଛାତ୍ରୀମାନେ କୋର୍ଟରେ ପହଞ୍ଚିଥିଲେ ।